Қазақ жаңа толқыны феномені әлі жұмбағы шешілмеген құбылыс. Ол Кеңес Одағы құламаған тұста пайда болып, тәуелсіздік дәуірінде жалғасын тауып, ғасырлар шегінде қалыптасты. Бәлкім санамызда еркіндік сезімін қалыптастырған қазақ “толқыны” фильмдері болар. “Жаңа толқын” киноға аяқ басып, Виктор Цойдың әнінде шырқалғандай: “Әрі қарай біз әрекет ететін боламыз!” деді. 

Бұл кітап “Қазақ жаңа толқыны” қалай қалыптасып, аяғынан нық тұрғаны туралы ғана емес, сонымен қатар ол еуропалық жазу мәнері және азиялық темпераментімен әлемді қалай жаулағаны туралы да сөз қозғайды. С.Соловьев шеберханасының түлектері, режиссерлермен алты сұхбат – бұл әлемдік деңгейдегі кино түсіру бойынша шеберлік сабақтары. Нью-Йорктен Сингапурға дейінгі киносыншылардың пікірлері - біздің “толқын” ешқашан жергілікті болмағанын, қайта жаһандық ауқымға ие болғанын көрсетеді.

Гүлнәр Әбікеева – кинотанушы, ALMAU профессоры, кино туралы он бір кітаптың авторы. “Орталық Азия киносы” кітабы үшін Ресей кинотанушылары мен киносыншылары Гильдиясының “Ақ піл” жүлдесіне, “Қазақстандағы және Орталық Азияның басқа елдеріндегі ұлттардың құрылысы және бұл үдеріс кинематографияда қалай көрініс тапты” кітабы үшін жылдың үздік кинотанушы жұмысы саналып, Қазақстан кинематографистер Одағының “Құлагер” жүлдесіне ие болды. Жақында Ресейде оның “Кинодом Махмальбаф” кітабы, ал Ұлыбританияда Биргит Боймерс және Майкл Роулэндпен бірге “Cinema in Central Asia. Rewriting Cultural Histories ” еңбегі, ал Кореяда Ким Джи-Сокпен әріптестікте  The Unknown New Wave of Central Asian Cinema атты кітабы жарық көрді. FIPRESCI, NETPAC және APSA академиясының мүшесі. 2016 жылы Әбікеева Г.О. Францияның “Өнер және әдебиет кавалері” орденімен марапатталды. 

‍

‍