Отарлық, кеңестік және постотарлық (посткеңестік) тәжірибемізді қайта пайымдау пісіп-жетілді, ол аталған мәселе тек академиялық ортаны ғана емес, сонымен қатар бүгінгі күн тәртібін қалыптастыратын әрі тәуелсіздік алғалы Қазақстан қоғамында болған әлеуметтік-мәдени өзгерістер туралы сапалы контентті қажет ететін қалың оқырман қауымды да қызықтырады. Біздің жинақ постотарлық проблемаларды ой елегінен өткізуге, өткенді қайта қарауға және мәдени қайшылықтардан бөлініп кеткен “кішкентай” ел ретінде (геосаясат тұрғысынан) қазіргі “әлемдегі орнымызды” түсінуге деген қоғамның ішкі интеллектуал сұранысына жауап береді. Бұл туралы қоғамда көптеген пікірталас бар: “жағымсыз өткен” туралы қалай сөз қозғауға болады, “метрополия қысымына” қарамастан өз кімдігің мен өз дауысыңа қалай қол жеткізуге болады, постотарлық кембағалдықтан қалай арылуға болады? Аталған мәселелердің барлығы қоғамда қызу талқылануда. Жинақ авторлары осы мәселелердің көбін өз зерттеулерінде тереңірек пысықтап, ой елегінен өткізіп, өз ойлары мен толғаныстарын мүдделі оқырманға жеткізетін кез келді.

Жинақ авторларының бұқаралық интеллектуал ортада қалыптасқан негізі бар. Барлық автор бір-бірімен тығыз байланыста: Әлима Бисенова мен Күлшат Медеуова бұрыннан бірге жұмыс істеп, бірге бірнеше мақала жазған. Зира Наурызбаева - белгілі мәдениеттанушы, қазақтардың көшпелі мәдениеті мен мифологиясы туралы бірнеше кітаптың авторы. Дмитрий Мельников пен Мерей Отан Назарбаев Университетінің Еуразиялық зерттеулер бағдарламасының студенттері болды және олардың магистрлік диссертациялары жинақтағы авторлық тараулардың негізіне айналды. Әсел Мұқашева – шолушы, куратор және зерттеуші. Әлия Қадырова - орыс тілі мұғалімі, жасөспірімдерге арналған шығармашылық жазу курсын жүргізеді және YouTube желісінде жеке бағдарламасы бар.

‍